Breek weg van die gejaag binne jou na ‘n stofpad in die Karoo en kom ervaar rus by ‘n unieke fees.

Kom luister na die klanke van die Stilfees in die koelte van ‘n populierbos in die hartjie van die Karoo. Kom verkwik jou siel met die musiek van liedjieskrywers soos Roan Ash, Loki Rothman en Douvoordag wat saam met die bome sing. Jou siel word vry, hier waar stilte en eenvoud wortel skiet, sodat die bloeisels binne jou met vreugde kan begin dans.
Kom geniet die rustige atmosfeer, bring ‘n kampstoel en ‘n piekniekmandjie of kom bederf jouself met delikatesse, vars uit die plaas kombuis.

 

Ons wou nog altyd graag met julle ons bloeisel bos deel...so kom ons doen dit die jaar!!
Stilfees word uitgeskuif na 26 September 2020.

Alle kaartjies en besprekings word aangeskuif na die datum.

Datum: 26 Sept 2020

Tyd: 10:00-17:00

Plek: Grootdriefontein, Murraysburg

Prys: R220 per volwassene, R80 per skolier, kinders onder 6 gratis

Beperkte plek

Belangrik om te weet:

Beperkte plek, bespreek jou kaartjie via webwerf
Bring jou eie kampstoel of kombers
Bring ‘n piekniekmandjie (as jy wil), kosstalletjies ook beskikbaar
Bring (genoeg) kontant, geen kaart fasiliteite